तोपचंद, रायपुर। चकोर फिल्मस (Chakor Films) के एक अऊ नवा छत्तीसगढ़ी फिल्म ‘बेटा’ के फस्ट लूक लांच होगे हावय। ‘बेटा’ (CG Film Beta) छत्तीसगढ़ के खास परंपरा अउ संस्कृति ल उजागर करे बार बनाये जात हवय, जइसे के निर्माता / निर्देशक चंद्रशेखर चकोर के हरेक फिल्म म होथे। कुछ बछर पहिली प्रदेश म छत्तीसगढ़ी भासा ल कामकाज म बउरे अउ निजी स्कूल के संग शासकीय स्कूल के पढ़ई ल रेखांकित करत ‘चक्कर गुरूजी के’ बनाये गे रिहिस। ओकर अऊ पहिली ‘गुरावंट’ फिल्म आये रिहिस, जेन ल लोगन मन बहुत मया दुलार दिस।

यहु ल पढ़व: चांद वाला मुखड़ा लेके…CG का एक और वायरल बॉय, चौथी क्लास के विक्की ने गाया गाना, देखें वीडियो..

‘गुरावंट’ छत्तीसगढ़ के लोक जीवन म बिहाव संस्कार ल लेके बनाये गे रिहिस, जेन म लड़की अउ लड़का वाले मन एक दूसर घर अदला-बदली करके अपन बेटी-बेटा के बिहाव एक-दूसर संग कराथे।

आरंग म होवत हे शूटिंग

अब आरो मिले हावय के चकोर फिल्मस के बैनर तले छत्तीसगढ़ी फिल्म ‘बेटा’ के शूटिंग रायपुर जिला के आरंग विकासखंड के गांव मन म चलत हाबे। संगे-संग सोशल मीडिया म फिल्म के फस्ट लूक लांच करे गे हावय। पोस्टर के रूप म जारी फस्ट लूक म निर्माता / निर्देशक /चंद्रशेखर चकोर जबरदस्त‍ अदाकारी देखावत आरूग लोक रंग म रंगे दिखत हाबे। जेन मन छॉलीवुड म आरूग छत्तीसगढ़ी ल देखे के आस धरे टाकीज आथे ओमन ल चकोर फिल्मस के अगोरा रिथे।